Эдийн засгийн алуурчны наминчлал номын тэмдэглэл
Үнэн бодит байдлыг таньж мэдэн ойлгож, ухамсарлах тусам бид төдий чинээн жинхэнэ Эрх чөлөөнд ойр байж Амьдрал Түүхээ өөрсдөө бичиж чадна гэж бодож байна...
Джон Перкинсийн энэхүүү ном бол олон улсын түүний дотор Америкийн томоохон нэр бүхий банк корпорациуд, үе үеийн засгийн газруудын ашиг хонжооны сонирхлыг татсан дэлхийн улс орнуудыг улс төрийн лидерүүдээр нь дамжуулан эрхшээлдээ оруулах зорилготой мэргэжлийн хүмүүс- эдийн засгийн алуурчдын нууц бүлэглэлийн бэлтгэл, үйл ажиллагааны тухай анх удаа дэлгэн харуулж өөрийн ажил амьдралын жишээн дээр өгүүлсэн түүх юм. Олон улсад эдийн засгийн их өсөлт зөвхөн багахан хэсэгт л үр ашигаа өгдөг ба харин үнэн хэрэг дээрээ үлдсэн олонхийн хувьд энэ бүхэн амьдралын ихээхэн доройтлыг бий болгодог. Энэ номын гол зорилго нь хүмүүс бид өөрсдийн амьдралыг дахин эргэцүүлэн бодож ухаарах тэгээд бид амьдралаа өөрчлөн шинэчлэхэд туслахад оршино. Асуудлыг бодитоор хүлээн зөвшөөрөх нь түүнийг шийдвэрлэхэд хийж байгаа анхны алхам юм.